iHamkor startaplar uchun biznes ma'lumotlariga bepul kirish dasturini ishga tushirmoqda
2025-yil 4-iyun. Toshkent, O‘zbekiston
iHamkor.uz biznes ma'lumotlar platformasi yosh texnologik jamoalarni qo‘llab-quvvatlashga qaratilgan iHamkor for Startups nomli yangi tashabbusni e’lon qiladi. Dastur dastlabki bosqichdagi startaplarga iHamkor API’ga 6 oygacha bepul kirishni taqdim etadi va innovatsion mahsulotlar ishlab chiqishni tezlashtirishga xizmat qiladi.
"Biz ma’lumotlar — iqtisodiy o‘sishning yangi resursi, deb hisoblaymiz. Maqsadimiz — ularni faqat banklar va korporatsiyalar uchun emas, balki kelajakni yaratayotganlar uchun ham ochiq qilish," — dedi iHamkor.uz platformasini boshqaruvchi “Defen Financial” MChJ asoschisi va bosh direktori Asqar Ismoilov.
Startaplar dastur doirasida nimalarga ega bo‘ladilar
- iHamkor API’ga 6 oygacha bepul kirish
- Integratsiya va texnik yordam
- “Built on iHamkor” belgisini ishlatish huquqi
- Qo‘shma nashrlar va keýslar ishtirokida qatnashish imkoniyati
"IT Park’ning asosiy vazifalaridan biri – startaplar ekotizimini rivojlantirish bo‘lib, unda innovatorlar zamonaviy vositalarga ega bo‘lishlari kerak. iHamkor tashabbusi – O‘zbekistondagi texnologik sektor rivojini tezlashtirishda davlat-xususiy sheriklik qanday samarali ishlashini ko‘rsatuvchi ajoyib namuna," — dedi IT Park Uzbekistan bosh direktori Abdulaxad Quchqarov.
Dastur O‘zbekiston hududida ro‘yxatdan o‘tgan va IT-Park rezidenti bo‘lgan, pre-seed yoki seed bosqichidagi, 500 million so‘mgacha tushumga ega va xodimlar soni 10 nafargacha bo‘lgan jamoalar uchun ochiq.
"Biz iHamkor startaplar uchun AWS infratuzilma uchun bo‘lganidek yoki Stripe fintex uchun bo‘lganidek platforma bo‘lishini istaymiz. Agar sizning mahsulotingiz biznes ma’lumotlarga asoslangan bo‘lsa — demak, biz bir to‘lqindamiz," — deya qo‘shimcha qildi Asqar Ismoilov.
iHamkor API nimalarni o‘z ichiga oladi
iHamkor API platformasi O‘zbekiston Soliq qo‘mitasi tomonidan taqdim etilgan keng turdagi ma’lumotlarga kirishni ta’minlaydi. Jumladan:
- Yuridik shaxslar haqida ma’lumotlar: ro‘yxatdan o‘tganlik, aloqa ma’lumotlari, soliq rejimlari, to‘lovlar va majburiyatlar, aylanma, foyda, qarzdorlik, mulk tarkibi.
- Jismoniy shaxslar haqida ma’lumotlar: daromadlar, ish haqi, ushlab qolishlar va to‘lovlar.
Ba’zi ma’lumotlarga kirish uchun egalarining roziligi talab qilinadi.
API va ma’lumot kategoriyalarining to‘liq ro‘yxati: ihamkor.uz/oz/help?tab=list_of_services sahifasida mavjud.
Ariza topshirish tartibi
iHamkor for Startups dasturida ishtirok etish uchun ariza berish juda oson:
1.
Dastur sahifasiga o‘ting
ihamkor.uz/oz/startups sahifasini oching
2.
Qisqa shaklni to‘ldiring
Quyidagilarni kiriting:
- Startap nomi va STIR (agar mavjud bo‘lsa)
- Vakilning F.I.O. va aloqa ma’lumotlari
- Mahsulot haqida qisqacha ma’lumot
- Rivojlanish bosqichi (pre-seed, seed va h.k.)
- Xodimlar soni
- Joriy tushum darajasi (agar mavjud bo‘lsa)
3.
Arizani yuboring
Barcha maydonlar to‘ldirilganligiga ishonch hosil qiling.
4.
3 ish kuni ichida javob kuting
Biz siz bilan bog‘lanamiz, shartnoma va API kalitlarini yuboramiz.
5.
Dasturlashni boshlang – iHamkor ma’lumotlarini mahsulotingizga darhol tatbiq eta olasiz.
Biz haqimizda
iHamkor.uz – bu real vaqt rejimida to‘liq, ishonchli va hujjatlashtirilgan ma’lumotlarni taqdim etuvchi ko‘p funksiyali avtomatlashtirilgan axborot tizimi. U soliq to‘lovchilarga oid ma’lumotlarga va boshqa tegishli ma’lumotlarga qonunchilik doirasida erkin kirishni ta’minlaydi.
Tizim “DEFEN FINANCIAL” MChJ tomonidan 2022-yil 24-maydagi “Ishonchli hamkor” avtomatlashtirilgan axborot tizimini ishlab chiqish va joriy etish bo‘yicha DXSh/52-2022 raqamli davlat-xususiy sheriklik kelishuvi asosida ishlab chiqilgan. Bu Prezidentning 2021-yil 19-avgustdagi 529-sonli qaroriga asosan amalga oshirilgan.
