ЎЗ
КОМПЛЕКС РАҚАМЛИ ХИЗМАТЛАР КЎРСАТИШ БЎЙИЧА ОММАВИЙ ОФЕРТА (ШАРТНОМА)
Тошкент ш.
«26» октябрь 2023й.
Ушбу Оммавий оферта Ўзбекистон Республикаси Фуқаролик кодексининг 358, 367 ва 369-моддаларига мувофиқ «Defen financial» масъулияти чекланган жамиятининг (кейинги ўринларда - Оператор деб юритилади) расмий таклифи бўлиб, фуқаролик-ҳуқуқий муносабатлар субъектлари (кейинги ўринларда Абонент деб юритилади) учун «Ишончли Ҳамкор» ААТ дастурий мажмуасидан фойдаланган ҳолда комплекс рақамли хизматлар кўрсатишга асосланган мажбурий шартларни ўз ичига олади. Ушбу Оммавий оферта Операторнинг Интернет тармоғидаги расмий саҳифаси - www.ihamkor.uz электрон манзилида жойлаштирилган пайтдан эътиборан кучга киради ва бекор қилиш ҳақида расмий хабар берилгунга қадар амал қилади. Оператор ушбу Оммавий офертада белгиланган тартибда унинг шартларига ўзгартиришлар киритиш ҳуқуқини ўзида сақлаб қолади. Ушбу Оммавий оферта шартлари Операторга мурожаат қилган фуқаролик-ҳуқуқий муносабатларнинг барча субъектлари учун бир хил. Ўзбекистон Республикаси Фуқаролик кодексининг 365 ва 370-моддаларига мувофиқ ушбу Оммавий офертада кўрсатилган тартибда, ҳажмда ва белгиланган шартларда хизматлар кўрсатиши Абонентнинг шартномани тузишга розилиги (қабул қилинганлиги) нинг сўзсиз ва шартсиз тасдиқлаганлиги деб ҳисобланади. Оператор ушбу Оммавий офертада белгиланган чегаралар доирасида «Ишончли Ҳамкор» ААТ дастурий мажмуасидан фойдаланган ҳолда комплекс рақамли хизматларни тақдим этади.
1.1. Ушбу ҳужжатда фойдаланилган атамалар ва таърифлар, агар контекст бошқача талаб қилмаса, қуйидаги маъноларга эга: 1.1.1. Оммавий оферта (контекстга қараб Шартнома ёки Фойдаланиш шартномаси) - Республика Фуқаролик Кодексининг 369-моддасига мувофиқ оммавий оферта бўлган ушбу ҳужжат матни, унга тегишли барча мажбурий ҳужжатлар (иловалар, қўшимчалар ва ўзгартиришлар) билан бирга, комплекс рақамли хизматларни кўрсатиш тўғрисидаги Шартномани (кейинги ўринларда «Ишончли Ҳамкор» ААТ хизмати деб юритилади) тузиш мақсадида Ўзбекистон Республикаси абонентларига, резидентларига йўлланган, ушбу оммавий оферта Ўзбекистон Республикаси Фуқаролик кодексининг 360-моддасида белгиланган ва Ўзбекистон Республикаси Фуқаролик кодексининг 354-моддасига мувофиқ турли битимлар (аралаш шартномалар) элементларини ўз ичига олади. Шартнома, Абонент ушбу Оммавий офертани қабул қилиши билан «IV. ШАРТНОМАНИ ҚАБУЛ ҚИЛИШ» бандида кўрсатилгандай қонуний кучга киради. 1.1.2. Абонент (Фойдаланувчи контекстга қараб) фуқаролик-ҳуқуқий муносабатларнинг субъекти (жисмоний шахс, юридик шахс ташкил этмаган якка тартибдаги тадбиркор, якка тартибдаги тадбиркор, мулкчилик шаклидан қатъий назар юридик шахс, нотижорат ташкилот, оммавий юридик тузилма ва бошқалар), ушбу Оммавий оферта шартлари бўйича Оператор билан комплекс рақамли хизматларни кўрсатиш бўйича шартнома тузган. 1.1.3. Оператор – «Defen financial» масъулияти чекланган жамияти (кейинги ўринларда «Defen financial» МЧЖ деб юритилади), ушбу Битим тарафи бўлиб, Ўзбекистон Республикасининг юридик шахси, ушбу Оммавий оферта мақсадлари учун давлат органлари ва ташкилотларининг маълумотлар базалари билан белгиланган тартибда интеграция қилинган «Ишончли Ҳамкор» ААТ дастурий мажмуаси ҳуқуқларнинг мутлақ эгаси ҳисобланади. 1.1.4. «Ишончли Ҳамкор» ААТ дастурий мажмуаси – www.ihamkor.uz электрон манзилида жойлашган, операторнинг қонуний эгалигида ва/ёки назоратида бўлган дастурлар, техник воситалар ва маълумотлар базаларини ўз ичига олган «Ишончли Ҳамкор» ААТ хизматларини амалга ошираётган техник-дастурий таъминот мажмуаси. 1.1.5. Шахсий кабинет – рўйхатдан ўтган абонентлар (фойдаланувчилар) бўлими бўлиб, унда, рўйхатдан ўтгандан ва рухсат олингандан (авторизация қилингандан) сўнг «Ишончли Ҳамкор» ААТ хизматларидан фойдаланиш учун зарур бўлган барча асосий инструментлар мавжуд. 1.1.6. Авторизация - бу Абонент томонидан киритилган электрон рақамли имзо билан тасдиқланган Аутентификация маълумотларини Оператор серверида таҳлил қилиш жараёни бўлиб, унинг натижаларига кўра Абонент хизматларни олиш ва/ёки шахсий кабинетга кириш ҳуқуқига эга эканлиги аниқланади. 1.1.7. Аутентификация маълумотлари - Оператор томонидан ушбу Оммавий оферта асосида яратилган индивидуал Абонент маълумотлари тўплами: i) Фойдаланувчи номи (логин) Оператор тизимидаги Абонентнинг асосий индивидуал идентификация параметри (кўрсаткичи)дир. Ушбу параметр Абонент томонидан Шартнома тузилганидан ва дастлабки рўйхатдан ўтганидан кейин ўрнатилади ва уни амалдаги Шартнома доирасида ўзгартириб бўлмайди; ii) Пароль (password) - бу Абонентнинг шахсий ҳисоб маълумотлари ва бошқа махфий маълумотларига рухсатсиз киришдан ҳимоя қилиш воситаси. Асосий пароль Абонент томонидан Шартнома тузилганидан ва Абонентнинг дастлабки рўйхатдан ўтганидан сўнг ўрнатилади, пароль кейинчалик Абонент томонидан ўзгартирилиши мумкин. 1.1.8. Шахсий ҳисоб баланси - бу Абонентнинг шахсий кабинетида кўрсатиладиган функция бўлиб, у Абонент маблағларининг ҳолатини кузатиш ва ҳисобини юритиш имконини беради. Балансни «Ишончли ҳамкор» ААТга интеграциялашган электрон тўлов тизимларидан фойдаланган ҳолда Абонентнинг банк картаси орқали ёки «PAYNET» тўлов тизими орқали нақд пул ўтказиш йўли билан, шунингдек, Абонент ҳисобидан банк ўтказмаси орқали тўлдириш мумкин. 1.1.9. Алоқа воситалари - Оператор ва Абонент ўртасида маълумот алмашиш усуллари: дастурий таъминот мажмуасидаги фикр алмашиниш бўлими ва онлайн чат ҳамда электрон почта, телефон, мессенжерлар ва бошқалар. 1.1.10. «Ишончли Ҳамкор» ААТ хизмати – бу «Ишончли Ҳамкор» ААТ дастурий мажмуаси асосида, жумладан, қонун ҳужжатларида белгиланган тартибда давлат органларидан олинган маълумотларни қабул қилиш ва қайта ишлаш учун турли воситаларни ўз ичига олган Оператор томонидан тақдим этиладиган комплекс рақамли хизматдир. 1.1.11. ЭРИ — электрон ҳужжатдаги мазкур электрон ҳужжат ахборотини электрон рақамли имзонинг ёпиқ калитидан фойдаланган ҳолда махсус ўзгаришлар натижасида ҳосил қилинган ҳамда электрон рақамли имзонинг очиқ калити ёрдамида электрон ҳужжатдаги ахборотда хатолик мавжуд эмаслигини аниқлаш ва электрон рақамли имзо калитининг эгасини идентификация қилиш имконини берадиган имзо. 1.2. Ушбу Оммавий офертада аниқланмаган атамалар ва таърифлар Ўзбекистон Республикасининг амалдаги қонунчилигида белгиланган маъноларда ҳамда контекстдан келиб чиққан ҳолда уларнинг сўзма-сўз маъноси ва талқинига мувофиқ фойдаланилади.
2.1. Оператор Абонентга «Ишончли Ҳамкор» ААТ дастурий мажмуаси асосида комплекс рақамли хизматларни тақдим этиш мажбуриятини олади, Абонент эса Оператор томонидан кўрсатиладиган комплекс рақамли хизматлар учун ушбу Оммавий офертада белгиланган шартлар ва тартибда ҳақ тўлаш мажбуриятини олади. 2.2. Оператор «Ишончли Ҳамкор» ААТ дастурий мажмуасига уланиш ва қуйидаги «Ишончли Ҳамкор» ААТ хизматларидан пулини тўлаб фойдаланиш ҳуқуқини беради, Абонент эса ушбу ҳуқуқни қабул қилади: – «Солиқ тўловчи» профили - юридик (шу жумладан контрагентлар) ва жисмоний шахслар тўғрисидаги маълумотларни, шу жумладан IPI орқали тақдим этиш; – «Маҳсулотлар» профили - товар бозорларидаги вазият ва асосий иштирокчилар ҳақида маълумот бериш; – «Маркалаш» профили - ишлаб чиқарувчилар ва импорт қилувчилар томонидан мажбурий рақамли маркалаш талаб қилинадиган товарлар ҳаракати тўғрисида маълумот бериш; – «Тармоқ таҳлили» профили - саноат маҳсулотларини сотиш таҳлили асосида иқтисодиётнинг муайян сектори ҳолати тўғрисида маълумот бериш; – «Садоқатлик дастури» профили - манфаатдор ташкилотларга ўз маҳсулоти (хизматлари) истеъмолчиларини рағбатлантириш ва истеъмолчиларнинг маҳсулотга содиқлик даражасини ошириш мақсадида маълумот бериш. Шу билан бирга хизматлар тавсифи ва улардан фойдаланиш шартлари Операторнинг расмий веб-саҳифасида қуйидаги электрон манзилида жойлашган www.ihamkor.uz.
3.1. «Ишончли Ҳамкор» ААТ дастурий мажмуаси томонидан тақдим этилаётган ахборот манбаи Ўзбекистон Республикаси тегишли давлат органларининг маълумотлар базаси бўлиб, қатъий ахборот (информатив) характерига эга. Банкдан ташқари айланма ҳолатлар мавжудлигини ҳисобга олган ҳолда, тақдим этилган маълумотлар якуний эмас ва бошқа маълумот манбалари орқали, шу жумладан тегишли тадқиқотлар натижаларидан келиб чиқиб аниқланиши мумкин, ўзига хос шартлар – маълум бир вазиятнинг бозорга таъсири натижалари, аниқ ишлаб чиқарувчилар ва етказиб берувчиларнинг таклифлари, транспорт харажатлари, етказиб бериш шартлари ва ҳажмлари, ўзаро ҳисоб-китоблар, сифат хусусиятлари ва бошқалар шулар жумласидандир. 3.2. «Ишончли Ҳамкор» ААТ дастурий мажмуаси орқали тақдим этилган барча маълумотлар сўров вақтида Абонент томонидан кўрсатилган дастлабки маълумотларни киритиш асосида шаклланади. 3.3. Абонент шу билан бирга Операторнинг бевосита ёки билвосита келиб чиқадиган молиявий, иқтисодий, юридик (ҳуқуқий) ва бошқа оқибатлар учун жавобгар эмаслигини тасдиқлайди: – «Ишончли Ҳамкор» ААТ орқали хизматлар олиш, шу жумладан, Абонент ва контрагент (мижоз, ҳамкор ёки бошқа ташкилот) ўртасида тузилган шартномалар (келишувлар)га мувофиқ амалга ошириладиган товарларни (ишларни, хизматларни) олди-сотдиси бўйича; – «Ишончли Ҳамкор» ААТ интернет саҳифаси www.ihamkor.uz хизматлардан фойдаланиш натижалари якуни бўйича Абонентнинг амалга оширган ва оширадиган ҳаракатлари шулар жумласидан. 3.4. Мазкур офертага кўра Абонент томонидан тўғридан-тўғри ёки билвосита кўрилган ҳар қандай молиявий йўқотишлар учун Оператор жавобгар эмаслигини тасдиқлайди, шунингдек, Абонент томонидан содир этилган ҳуқуқбузарликлар учун жавобгарликни Оператор ўз зиммасига олмайди: – Абонент томонидан кейинчалик Абонентнинг ЭРИ калити сертификатига киритилган нотўғри маълумотларнинг тақдим этилиши; – Абонент ўз шахсий калитининг хавфсизлигини таъминлаш талабларини бузган тақдирда; – Абонент томонидан ЭРИ калити сертификатига киритилган маълумотлар ўзгариши тўғрисида ўз вақтида хабар бермаганлиги ёки нотўғри хабар бериши; – Абонент томонидан «Ишончли Ҳамкор» ААТ қидирув тизимига хато маълумотлар киритилиши; – Абонент ва/ёки унинг ваколатли шахси томонидан унинг шахсий калитидан ноқонуний ёки рухсатсиз фойдаланиш ва ушбу бандда санаб ўтилган ҳолатлардан ташқари бошқа ҳолатлар шулар жумласидан. 3.5. Оператор Абонент томонидан узатилаётган, қабул қилинган ва сақланаётган электрон ҳужжатларнинг тўғрилигини, шунингдек уларнинг қонун ҳужжатларига мувофиқлигини назорат қилиш ва/ёки текшириш ҳуқуқига эга эмаслиги, шунингдек олинган маълумотларнинг мазмунини ўзгартириш ҳуқуқига эга эмаслиги сабабли, Абонент томонидан Операторни хабардор қилмасдан қилинган барча ҳаракатлари учун фақат Абонентнинг ўзи жавобгар бўлади. 3.6. «Ишончли Ҳамкор» ААТ дастурий мажмуасига кириш учун Абонентга HTML5 қўллаб-қувватловчи замонавий интернет-браузердан фойдаланишни тавсия қилинади. 3.7. Абонент ахборотни Ўзбекистон Республикасининг амалдаги қонунчилиги талабларини бузган ҳолда олган тақдирда, Абонентнинг ўзи Контрагент ёки бошқа ваколатли органлар ва молия институтлари (ташкилотлари) олдида юридик, иқтисодий, молиявий ва бошқа жавобгарликни ўз зиммасига олади.
4.1. Ушбу Оммавий оферта матнини Операторнинг www.ihamkor.uz манзилидаги веб-саҳифасида эълон қилиш Операторнинг номаълум шахсларга қаратилган оммавий офертаси ҳисобланади, Абонентлар «Ишончли Ҳамкор» ААТ дастурий мажмуаси орқали кенг қамровли рақамли хизматларни олиш учун ушбу Оммавий офертани қабул қилсинлар. 4.2. Ушбу Фойдаланувчи шартномаси (Оммавий оферта)ни тузиш (қабул қилиш) унга Абонент томонидан қўшилиши (тасдиқлаши) орқали амалга оширилади, яъни ушбу Фойдаланувчи шартномаси (Оммавий оферта) шартларини умуман, ҳеч қандай шартлар, истисноларёки изоҳларсиз қабул қилади ва тўлиқ бажаради, рўйхатдан ўтган сана ушбу Фойдаланувчи шартномаси (Оммавий оферта) тузилган сана ҳисобланади. 4.3. Ушбу Оммавий оферта амалдаги қонунчиликка мувофиқ оммавий эканлигидан келиб чиқиб, томонлар авторизация (рўйхатдан ўтиш) саҳифасида рўйхатдан ўтиш шаклини тўлдириш фактини оферта шартларини сўзсиз қабул қилиш ва бажариш сифатида тан оладилар. 4.4. Ўзбекистон Республикаси қонунчилигининг амалдаги талабларидан келиб чиққан ҳолда, Томонлар ушбу Фойдаланувчи шартномаси (Оммавий оферта)ни қоғоздаги ҳужжатга (шартномага) тенглаштирадилар ва у билан бир хил юридик кучга эга эканлигини тасдиқлайдилар.
5.1. «Ишончли Ҳамкор» ААТ дастурий мажмуасидан фойдаланиш учун фойдаланувчи рўйхатдан ўтиши шарт. Шахсий кабинетга кириш учун Абонент рўйхатдан ўтиши шарт. 5.2. «Ишончли Ҳамкор» ААТ дастурий мажмуасида фойдаланувчи сифатида рўйхатдан ўтиш учун Абонент кириш кодини олиш учун ишончли мобил телефондан фойдаланган ҳолда «Ишончли Ҳамкор» ААТ хизматларидан тегишли рухсат олиш учун рўйхатдан ўтиш шаклини тўлдиради. Киритилган маълумотлар тегишли электрон рақамли имзо билан тасдиқланади. 5.3. Рўйхатдан ўтишни тасдиқлаганидан сўнг, аутентификация маълумотларини киритиш орқали Абонент Шахсий кабинетга кириш ҳуқуқига эга бўлади. 5.4. Оператор ушбу Фойдаланувчи шартномаси (Оммавий оферта) шартларига риоя қилмаган ҳолларда Абонентни рўйхатдан ўтказишни рад этишга ҳақли. 5.5. Абонент рўйхатдан ўтиш пайтида нотўғри маълумотларни киритиш ва электрон почта манзили ва мобил телефон рақамини кўрсатиш билан боғлиқ барча оқибатларга, шу жумладан ноқулай оқибатларига тўлиқ жавобгарликни ўз зиммасига олади. 5.6. Абонент барча пуллик хизматларни «Ишончли Ҳамкор» ААТда рўйхатдан ўтгандан сўнг олади.
6.1. Абонентнинг «Ишончли Ҳамкор» ААТ даги барча ҳаракатлари унинг шахсан ўзи ёки ваколатли шахс томонидан амалга оширилган ҳисобланади. 6.2. Абонент қуйидагиларга мажбур: – рўйхатга олиш маълумотларини янгилаб туриш; – аутентификация маълумотларининг махфийлигини таъминлаш; – Шахсий кабинетдан учинчи шахсларнинг фойдаланганлик ҳолати аниқланганда ҳақида Операторни хабардор қилиш. 6.3. Шахсий кабинетга кириш имкони йўқолган тақдирда, Абонент дарҳол Операторни хабардор қилади. Оператор Абонент маълумотларини текширади ва яна унга Шахсий кабинетга киришни таъминлайди.
7.1. Агар Абонент ушбу Фойдаланувчи шартномаси (Оммавий таклиф) шартларини бузса, Оператор Абонентга қоидабузарликни бартараф этиш тўғрисида талабномани юборади, шунингдек: – «Ишончли Ҳамкор» ААТ дастурий мажмуасининг барча функсионал ёки индивидуал функцияларини таъминлашни чеклайди; – Шахсий кабинет киришни блоклайди. Шу билан бирга, агар Абонент талабнома олинган кундан бошлаб 3 иш куни ичида қоидабузарликни бартараф этса, Оператор Шахсий кабинетга киришни ва/ёки «Ишончли Ҳамкор» ААТ дастурий мажмуасининг функционаллигини тиклашга ҳақли. 7.2. Оператор қуйидаги ҳолларда Шахсий ҳисобни ўчиришга ҳақли: – агар Абонент талабнома олинган кундан бошлаб 3 иш куни ичида қоидабузарликни бартараф қилмаса; – Абонентнинг илтимосига биноан. 7.3. Шахсий ҳисобингизни ўчириш қуйидагиларни англатади: – Абонент томонидан Фойдаланувчи шартномаси (Оммавий оферта) шартларини бузганлиги сабабли Операторнинг бир томонлама равишда Фойдаланувчи шартномасини (Оммавий оферта) рад этиши; – Шахсий кабинетдан фойдаланган ҳолда Абонент томонидан юклаб олинган барча маълумотларни ўчириш. 7.4. Учинчи шахслардан даъволар ёки давлат органларининг талаблари келиб тушган тақдирда Оператор тегишли масала ҳал этилмагунча Шахсий кабинетни блокировка қилишга ҳақли.
8.1. «Ишончли Ҳамкор» ААТ дастурий мажмуасига мутлақ ҳуқуқ Операторга тегишли. 8.2. Оператор учинчи шахсларнинг интеллектуал ҳуқуқларини бузмаслигига кафолат беради. 8.3. Абонент қуйидагиларни кафолатлайди: – «Ишончли Ҳамкор» ААТ дастурий мажмуасининг функсионал хусусиятлари ва мақсади билан танишиш; – рўйхатдан ўтиш ва авторизация қилиш пайтида ва кейинчалик Шахсий кабинетда тақдим этилган маълумотлар ишончлилигини; – учинчи шахсларнинг интеллектуал ҳуқуқларини бузмаслигини.
9.1. Томонларнинг ҳуқуқ ва мажбуриятлари: 9.1.1. Томонлар ушбу Фойдаланувчи шартномаси (Оммавий оферта) бўйича мажбуриятларни бажармаганликлари ёки лозим даражада бажармаганликлари учун уни Ўзбекистон Республикасининг амалдаги қонунчилигига мувофиқ қабул қилинганидан кейин жавобгар бўладилар. 9.1.2. Томонлар Ўзбекистон Республикаси қонунчилигига ва ушбу Фойдаланувчи шартномаси (Оммавий оферта) га мувофиқ ҳуқуқларга эга ва мажбуриятларни зиммасига оладилар. 9.2. Абонентнинг мажбуриятлари: 9.2.1. Абонент юборилган талабдаги маълумотларнинг ишончлилиги ва тўғрилигини, унинг контрагентдан (мижоз, ҳамкор ёки бошқа ташкилотлар) олинган маълумотларга мувофиқлигини таъминлаш мажбуриятини олади. 9.2.2. Абонент талабни фақат контрагентнинг (мижоз, ҳамкор ёки бошқа ташкилотлар) розилиги билан тегишли маълумотлар бўйича хизматларни олиш учун юбориши шарт, агар шунга ўхшаш розилик керак бўлса. 9.2.3. Абонент ушбу Фойдаланувчи шартномаси шартларига мувофиқ кўрсатилган Хизматлар учун ҳақ тўлаш мажбуриятини олади. 9.2.4. Абонент ушбу Фойдаланувчи шартномаси (Оммавий оферта) шартларига мувофиқ Кириш маълумотларининг махфийлигини таъминлаш учун барча зарур чораларни кўриш мажбуриятини олади. 9.2.5. Абонент «Ишончли Ҳамкор» ААТ дастурий мажмуасидаги ўз ҳаракатлари учун Ўзбекистон Республикаси қонунчилигига мувофиқ жавобгар бўлади. 9.2.6. Агар Абонент Операторнинг ёзма розилигисиз/кўрсатмасисиз «Ишончли Ҳамкор» ААТ дастурий таъминот комплексидан нусха кўчирган, ўзгартиришлар киритган, ўз бошимча материаллар тайёрлаган, компиляция қилган, дизассемблерллаштирган ёки манба кодига киришга бошқа уринишлар қилган бўлса ёки бошқа йўл билан «Ишончли Ҳамкор» ААТ дастурий комплексини ўзгартирган бўлса, Оператор Абонентдан бундай қоидабузарликнинг ҳар бир ҳолати учун БҲМ нинг 310 бараварига тенг миқдорида жарима тўлашни талаб қилишга ҳақли. 9.2.7. Абонент томонидан Шартнома (Оммавий оферта) бўйича берилган кафолатлар бузилган, шунингдек ҳар қандай тақиқланган ҳаракат содир этилган тақдирда Оператор Абонентдан бундай қоидабузарликнинг ҳар бир ҳолати учун БҲМ нинг 31 бараварига тенг миқдорида жарима тўлашни талаб қилишга ҳақли. 9.2.8. Агар Операторга «Ишончли Ҳамкор» ААТ дастурий таъминот тўпламидан фойдаланган ҳолда Абонент томонидан учинчи шахсларнинг ҳуқуқлари бузилганлиги бўйича даъволар, талаблар ва/ёки даъво аризалари келиб тушса, Абонент уларни мустақил равишда ҳал қилиши ва етказилган зарарни Операторга ва содир бўлган тақдирда учинчи шахсга қоплаши шарт (унинг миқдори муайян шартлардан келиб чиқиб белгиланади). 9.2.9. Шу билан бирга, «Ишончли Ҳамкор» ААТ дастурий мажмуаси орқали олинган маълумотлардан фойдаланилганлиги сабабли Ўзбекистон Республикасининг амалдаги қонунчилиги талаблари бузилган тақдирда жавобгарлик Абонент зиммасига юклатилади. 9.2.10. Абонент Шартнома (Оммавий оферта)ни қабул қилгандан кейин: – www.ihamkor.uz веб-сайтда эълон қилинган шартларга мувофиқ «Ишончли Ҳамкор» ААТ дастурий мажмуасидан фойдаланиш ҳуқуқи учун ҳақ тўлаши; – мунтазам мустақил равишда ёки ваколатли вакиллар орқали www.ihamkor.uz веб-сайтида «Ишончли Ҳамкор» ААТ дастурий мажмуасидан фойдаланиш шартлари ҳақидаги маълумотлар билан танишиш. Абонентни Шартнома ва/ёки Оператор тарифларига киритилган ўзгартиришлар/қўшимчалар билан ўз вақтида таништирмаслик Абонент уларни қўлламаслик учун асос бўла олмайди; – «Ишончли Ҳамкор» ААТ дастурий комплексига кириш маълумотларининг белгиланган тартибда сақланишини таъминлаш; – Ўзбекистон Республикасининг амалдаги қонунчилигига, шунингдек, ушбу Фойдаланувчи шартномаси (Оммавий оферта) шартларига риоя қилиш; – «Ишончли Ҳамкор» ААТ дастурий мажмуаси хизматларидан фойдаланган ҳолда олинган маълумотларнинг махфийлигини таъминлаш ва уларни Ўзбекистон Республикасидан ташқарига чиқмаслигини таъминлаш бўйича барча зарур чораларни кўриш. 9.2.11. Абонент «Ишончли ҳамкор» ААТда маълумотларига ишлов берилган шахснинг олдиндан розилигини олиш мажбуриятини олади. Абонент томонидан «Ишончли ҳамкор» ААТда маълумотлари қайта ишланаётган шахсдан тегишли рухсат олинмаганлиги сабабли юзага келган барча оқибатлар шартсиз, фақат Абонент зиммасига тушади. 9.3. Абонент ҳуқуқлари: 9.3.1. Абонент Фойдаланувчи шартномасини (Оммавий оферта) қабул қилганидан кейин уни чоп этиш ва/ёки электрон шаклда сақлаш ҳуқуқига эга. 9.3.2. Абонент «Ишончли ҳамкор» ААТда кўрсатилаётган хизматлардан фойдаланиш билан боғлиқ масалалар бўйича Оператордан маслаҳат олиш ҳуқуқига эга. 9.4. Операторнинг мажбуриятлари: 9.4.1. Абонент ушбу Фойдаланувчи шартномасини (Оммавий таклиф) қабул қилгандан сўнг, Оператор қуйидагиларга мажбурдир: – «Ишончли Ҳамкор» ААТ дастурий мажмуасининг кечаю кундуз узлуксиз ишлашини таъминлаш, хатоларнинг олдини олиш ва хатоларни тузатиш учун зарур бўлган техник танаффуслар бундан мустасно; – Абонент «Ишончли Ҳамкор» ААТ дастурий комплексининг тегишли хизматларидан фойдаланганда унинг Шахсий кабинети орқали электрон фискал квитансия (чек)ларни тақдим этиши. 9.4.2. Оператор тақдим этилаётган хизматлар доирасида Абонент сўровини кўриб чиқиш учун маълумотларга киришнинг техник имкониятини Оператор томонидан таъминлаш мажбуриятини олади. 9.4.3. Оператор «Ишончли Ҳамкор» ААТ дастурий мажмуасининг ишлашида носозлик юзага келса, техник ёрдам кўрсатиш ва муаммоларни бартараф этиш учун барча зарур чораларни кўради. 9.4.4. Оператор ушбу Фойдаланувчи шартномаси (Оммавий таклиф) бўйича хизматларнинг тўлиқ кўрсатилмаслиги билан боғлиқ барча ўзгартиришларни амалга ошириш мажбуриятини олади ва Фойдаланувчиларнинг «Ишончли Ҳамкор» ААТ дастурий мажмуасига доимий киришини, унинг барқарорлигини ва юқори тезликда ишлашини ўз ҳисобидан таъминлаш учун барча оқилона чораларни кўради. 9.5. Оператор ҳуқуқлари: 9.5.1. Оператор, агар Абонент ушбу Фойдаланувчи шартномасини (Оммавий оферта) қабул қилса, қуйидаги ҳуқуқларга эга: а) Абонентнинг «Ишончли Ҳамкор» ААТ дастурий таъминот тўпламига кириш ҳуқуқини қуйидаги ҳолларда тўловни қайтариб бермасдан чеклаши мумкин: – Абонентнинг «Ишончли Ҳамкор» ААТ дастурий мажмуасига бошқа фойдаланувчиларнинг киришини чеклаш ёки олдини олишга қаратилган ҳаракатлари, шунингдек, Оператор ресурсларига рухсатсиз киришга уринишлар аниқланганда; – ушбу Фойдаланувчи шартномаси (Оммавий оферта)да кўрсатилган шартлар бузилган тақдирда. б) техник, ташкилий, ҳуқуқий ёки бошқа сабабларга кўра тушунтиришларсиз «Ишончли Ҳамкор» ААТ дастурий мажмуасидан фойдаланиш ҳуқуқини чеклаш; в) кирувчи маълумотларни зарарли дастурлар, вируслар ёки бошқа тақиқланган маълумотларнинг йўқлигига ишонч ҳосил қилиш учун текшириш; г) «Ишончли Ҳамкор» ААТ дастурий таъминот тўпламининг узлуксиз ишлашини таъминлаш учун бошқа ҳар қандай ҳимоя чораларини кўриш; д) Агар Абонент ушбу Фойдаланувчи шартномаси (Оммавий оферта) бўйича ўз мажбуриятларини бажармаса ёки қисман бажаса Фойдаланувчи шартномасини (Оммавий офертани) тўлиқ ёки қисман тўхтатиб туришга сабаб бўлади, вазиятлар бартараф этилгунга қадар хизмат кўрсатишни тўхтатиб туришга ҳақли. 9.5.2. Ўзбекистон Республикасининг амалдаги қонунчилигини бузиш мақсадида Фойдаланувчи шартномасини (Оммавий оферта) тузишни амалга оширилганлигига шубҳа туғилган бўлса, Оператор сабабларни кўрсатмасдан туриб, Абонентга «Ишончли ҳамкор» дастурий мажмуасини улаш/фойдаланишни рад этишга ҳақли. 9.5.3. Оператор қуйидаги ҳолларда «Ишончли Ҳамкор» ААТ дастурий мажмуаси орқали Абонентга хизмат кўрсатишни рад этишга ҳақли: – агар Абонент томонидан «Ишончли Ҳамкор» ААТ дастурий таъминот комплексининг қидирув тизимида киритилган маълумотлар сўралган Хизматларни кўрсатиш учун етарли бўлмаса; – маълумот сўралган учинчи шахснинг розилиги бўлмаса. 9.5.4. Оператор барчага ёки алоҳида Фойдаланувчиларга «Ишончли Ҳамкор» ААТ дастурини айрим функцияларидан фойдаланишни ҳеч қандай огоҳлантиришсиз чеклаш ҳуқуқига эга. 9.5.5. Оператор ўз хоҳишига кўра «Ишончли Ҳамкор» ААТ дастурини исталган вақтда бошқа домен номига ўтказиш ҳуқуқига эга. 9.5.6. Оператор «Ишончли Ҳамкор» ААТ дастурий комплекси элементларидан ноқонуний фойдаланиш ва/ёки Фойдаланувчи шартномаси (Оммавий оферта) шартларини бузишнинг автоматик олдини олиш учун муаллифлик ҳуқуқи ва шахсий маълумотларни ҳимоя қилишнинг техник воситаларини жорий этишга ҳақли. 9.5.7. Оператор Абонентни хабардор қилмасдан, «Ишончли Ҳамкор» ААТ дастурий мажмуаси фаолиятини тўхтатиб қўйиши мумкин бўлган профилактика ишларини олиб боришга ҳақли.
10.1. «Ишончли Ҳамкор» ААТ дастурий мажмуаси "худди шундай" («as is») асосида тақдим этилади. Абонент «Ишончли Ҳамкор» ААТ дастурий таъминот мажмуасидан фойдаланиш билан боғлиқ хавфларни, шу жумладан маълумотларни олиш, фойдаланувчи маълумотларининг йўқолиши, шикастланиши ва бошқаларни тушунади ва қабул қилади. 10.2. Оператор «Ишончли Ҳамкор» ААТ дастурий таъминот мажмуасига нисбатан аниқ ёки назарда тутилган кафолатлар бермайди, жумладан, «Ишончли Ҳамкор» ААТ дастурий таъминот комплекси натижасида олинган жавобларнинг аниқ мақсадларга мувофиқлиги, фойдаланишнинг рентабеллиги, аниқлиги ва/ёки тўлиқлиги, бошқа тизимлар билан интеграцияси, узлуксиз ишлаш, хатоларнинг йўқлиги, муаммоларни бартараф этиш, барча ҳудудларда фойдаланишнинг қонунийлигини кафолатламайди. 10.3. Оператор қуйидагилар учун жавобгар эмас: – бирламчи маълумотлар, хизматлар, тармоқлар, дастурий таъминот ёки ускуналар етказиб берувчилар томонидан ҳар қандай ҳаракатлари ва/ёки ҳаракатсизлиги; – Абонентнинг «Ишончли Ҳамкор» ААТ дастурий мажмуасидан ёки алоҳида қисмлари/функцияларидан фойдаланиши натижасида юзага келган ҳар қандай турдаги йўқотишлар; – «Ишончли Ҳамкор» ААТ дастурий мажмуасида жойлаштирилган маълумотларнинг Абонент олдида ёки ҳар қандай учинчи шахслар олдида йўқолиши; – «Ишончли Ҳамкор» ААТ дастурий таъминот тўпламидан ёки Абонент ёки фойдаланиш ҳуқуқига эга бўлган бошқа шахслар «Ишончли Ҳамкор» ААТ дастурий таъминотидан фойдаланган ҳолда шаъни, қадр-қиммати ёки ишбилармонлик обрўсига путур етказилганда; – «Ишончли Ҳамкор» ААТ дастурий мажмуасидан фойдаланиш жараёнида Абонентнинг компьютери, мобил қурилмаси ёки бошқа қурилмаларидаги носозликлар келиб чиққанда; – Абонент томонидан кириш маълумотларининг йўқолиши ёки ошкор этилиши натижасида юзага келган оқибатларда; – «Ишончли Ҳамкор» ААТ дастурий таъминот тўпламининг ишлатиш билан боғлиқ бўлган ва Фойдаланувчи ходимлари ёки учинчи шахсларнинг ноқонуний хатти-ҳаракатлари натижасида юзага келган хатолар ва/ёки бузилишлар; – учинчи шахсларнинг Интернет тармоғи ёки «Ишончли Ҳамкор» ААТ дастурий мажмуасининг техник-дастурий таъминот компонентларини атайлаб қисқартириш (пасайтириш) бўйича ҳаракатлари; – Операторга боғлиқ бўлмаган сабабларга кўра «Ишончли Ҳамкор» ААТ дастурий мажмуасидан фойдаланишнинг мумкин эмаслиги. 10.4. Оператор Давлат ресурсларидан олинган маълумотлардан фойдаланади. Шунга кўра, тегишли ресурсларга масъул бўлган Давлат органлари кўрсатилган маълумотларнинг долзарблиги ва ишончлилигини текширади. Шу билан бирга, Абонент томонидан олинган маълумотлар ва ҳақиқий маълумотлар ўртасида тафовут аниқланган тақдирда, Абонент маълумотлар базасидаги маълумотларга аниқлик киритиш ёки тегишли ўзгартиришлар киритиш учун тегишли давлат органига мурожаат қилиши мумкин. 10.5. Оператор: – Давлат ресурсларидан олинган маълумотларга ўзгартиришлар киритмайди; – уларни ҳозирги кунга мувофиқлигини текширмайди; – Давлат ресурсларидан олинган маълумотларнинг ва шунга мос равишда «Ишончли Ҳамкор» ААТ дастурий мажмуаси орқали кўрсатилаётган хизматлар натижаларининг ишончлилигини кафолатламайди. 10.6. Оператор ушбу Фойдаланувчи шартномаси (Оммавий оферта) бўйича мажбуриятларни бажармаганлик ёки лозим даражада бажармаганлик учун жавобгар эмас: – интернет-провайдер ва/ёки алоқа оператори назорати остидаги алоқа хизматлари сифати пастлиги сабабли; – бирламчи ахборот манбаларида техник ва профилактик ишлари олиб борилиши муносабати билан; – ахборот тизимида техник носозлик юз бериши каби ҳолатлар шулар жумласидан.
11.1. Абонент «Ишончли Ҳамкор» ААТ дастурий мажмуаси томонидан кўрсатилаётган хизматлар учун тўловни тақдим этиладиган хизматларнинг кутилаётган ҳажмдан келиб чиқиб, www.ihamkor.uz веб-сайтида кўрсатилган Оператор нархларига мувофиқ амалга оширади. 11.2. «Ишончли ҳамкор» дастурий комплекси ААТ томонидан кўрсатилган хизматлар учун тўлов Ўзбекистон Республикаси миллий валютаси - сўмда (Операторнинг ҚҚС бўйича имтиёзларини ҳисобга олган ҳолда) Операторнинг жорий ҳисоб рақамига пул суммасини ўтказиш йўли билан амалга оширилади. 11.3. Пул маблағлари Оператор ҳисобига тушган кун - тўлов санаси ҳисобланади. Абонентлар (юридик шахслар) балансига маблағларни тўлдириш аванс ҳисобланади ва якуний ҳисоб-китоб «Ишончли ҳамкор» ААТда хизматлардан амалда фойдаланганлик асосида ҳар бир хизмат учун берилган ҳисоб-фактура асосида амалга оширилади. 11.4. Тегишли маблағлар Операторнинг жорий ҳисоб варағига келиб тушганлиги сабабли, ушбу маблағлар Абонент балансида Шахсий кабинетда акс эттирилади ва «Ишончли Ҳамкор» ААТ дастурий мажмуасининг тегишли хизматларидан фойдаланиш натижасида сарфланади. 11.5. Хизматлар учун тўлов Абонент томонидан қўшимча розилик, тасдиқ талаб этмасдан Абонент балансидан пул маблағларини автоматик тарзда ечиб олиш йўли билан амалга оширилади, бунда Абонент ушбу Шартнома (Оммавий Оферта)нинг амал қилиш муддати давомида Операторга сўзсиз ва бекор қилиб бўлмайдиган розилигини беради. 11.6. Абонент ўзи амалга оширган тўловларнинг тўғрилиги учун мустақил равишда жавобгар бўлади. Операторнинг тўлов реквизитлари ўзгартирилган тақдирда, янги реквизитлар Оператор веб-сайтида эълон қилинган ёки тегишли билдиришнома электрон шаклда Абонентнинг шахсий кабинетига, ёки электрон почта манзилига юборилган пайтдан бошлаб, Абонент эскирган реквизитлардан фойдаланган ҳолда амалга оширилган тўловлар учун мустақил равишда жавобгар бўлади. 11.7. Жисмоний шахсларга хизматлар кўрсатилишини тасдиқловчи электрон фискал квитансия (чек) амалдаги қонун ҳужжатлари талабларига мувофиқ, «Ишончли ҳамкор» ААТ дастурий мажмуаси томонидан Абонентга автоматик тарзда унинг Шахсий кабинетига юборилади. 11.8. «Ишончли Ҳамкор» ААТ дастурий мажмуаси хизматлари Абонентга Шахсий ҳисобдаги баланс ижобий бўлган ва хизматни олиш учун етарли маблағ мавжуд бўлган тақдирдагина тақдим этилади. Агар Абонент баланси нолга тенг бўлса ёки хизматлар учун тўловни ундириш учун етарли бўлмаса, хизматларни кўрсатиш автоматик равишда тўхтатилади. Хизматдан фойдаланиш ҳуқуқини тақдим этиш Шахсий ҳисоб баланси етарли миқдорга тўлдирилганидан кейин тикланади. 11.9. Оператор тизим мижозлари учун мукофот дастурларини, шу жумладан хизматлар учун ҳақ тўлаш учун фойдаланиладиган бонус балларини тақдим этиш, тўланган маблағларнинг бир қисмини қайтариш тизимини (cashback) ва хизматлардан фойдаланиш даражасини кенгайтиришга қаратилган бошқа механизмларни белгилаш ҳуқуқига эга. 11.10. Агар Абонент бир ой ичида хизматлардан фойдаланиш учун етарли бўлган суммага шахсий ҳисобидаги қолдиқни тўлдирмаса, Оператор ушбу Фойдаланувчи шартномаси (Оммавий оферта)ни бир томонлама тартибда бекор қилишга ҳақли. 11.11. Шартнома бекор қилинган тақдирда фойдаланилмаган суммалар ва Шахсий ҳисоб балансида кўрсатилган қолдиқ пул маблағлари Абонентнинг қайтариш учун тегишли реквизитларни тўғри ва тўлиқ кўрсатилган ёзма аризасига асосан Оператор томонидан 45 иш куни давомида Абонентга қайтарилади.
12.1. Абонентга қуйидагилар тақиқланади: – «Ишончли Ҳамкор» ААТ дастурий мажмуасидан ушбу Фойдаланувчи шартномаси (Оммавий оферта)да кўзда тутилмаган усулларда фойдаланиш; – Шахсий кабинетга кириш ва фойдаланиш маълумотларини учинчи шахсларга тақдим этиш; – «Ишончли Ҳамкор» ААТ дастурий мажмуасининг нормал ишлашини бузишга қаратилган ҳар қандай, шу жумладан техник ҳаракатларни амалга ошириш; – белгиланган техник чекловларни четлаб ўтишга ҳаракат қилиш; – «Ишончли Ҳамкор» ААТ дастурий мажмуасидан маълумотларни, шу жумладан бошқа фойдаланувчиларнинг шахсий маълумотларини тўплаш ва қайта ишлаш учун ҳар қандай техник воситалардан фойдаланиш (веб-скрапинг, таҳлил қилишни бошқа ҳар қандай йўллари ва ҳ.к.); – «Ишончли ҳамкор» АТТ дастурий мажмуасини нусхалаш, ўзгартиришлар киритиш, жамланма материаллар тайёрлаш, дизассемблер ёрдамида таҳлил қилиш, манба кодини очишга ёки ўзгартиришга ҳаракат қилиш; – бошқа шахсни, унинг вакилини етарли ҳуқуқларга эга бўлмаган ҳолда, шу жумладан Оператор ёки унинг ходимлари сифатида кўрсатиш, шунингдек бошқа шахсларнинг ноқонуний вакиллигининг бошқа шакллари ва усулларидан фойдаланиш; – «Ишончли ҳамкор» дастурий таъминот комплексининг бошқа Абонентининг шахсий маълумотларига ҳар қандай йўл билан, шу жумладан алдаш, ишончни суистеъмол қилиш ёки «Ишончли ҳамкор» ААТ дастурий таъминот комплексини бузиш йўли билан киришга уриниш; – спам, тижорат ва нотижорат хабарлар юбориш учун телефон рақамлари ва электрон почта манзиллари ҳақидаги маълумотлардан фойдаланиш; – «Ишончли Ҳамкор» ААТ дастурий мажмуаси муаллифлик ҳуқуқи эгалари ҳақидаги ҳар қандай маълумотларни сохталаштириш ёки ўчириш; – Оператор ва бошқа фойдаланувчиларнинг логотиплари ва/ёки савдо белгиларидан рухсатсиз фойдаланиш. 12.2. Ушбу Фойдаланувчи шартномаси (Оммавий таклиф) ни амалга ошириш мақсадида Абонент ҳеч қандай шароитда қуйидагиларни содир этмаслиги зарур: – Давлат, конституциявий ва ижтимоий тузумига путур етказиш, Ўзбекистон Республикаси ва бошқа давлатларнинг ҳудудий яхлитлиги, сиёсий мустақиллиги ва давлат суверенитетини бузиш, уруш, терроризм, зўравонлик, миллий мустабитлик ва диний адоват, ирқчилик ва унинг турларини тарғиб қилишга қаратилган ҳаракатларни амалга ошириш (антисемитизм, фашизм ва ҳ.к.); Ўзбекистон Республикаси фуқароларининг шаъни ва қадр-қимматига путур етказиш, туҳмат қилиш, уларнинг шахсий ҳаётига аралашиш, порнографик материаллар тарқатиш, шунингдек жиноий жавобгарликка сабаб бўладиган бошқа ҳаракатларни содир этиш; – компьютер вируслари ёки уларга эквивалент бўлган бошқа компонентларни ўз ичига олган маълумотларни юбориш; – тўлиқ ёки қисман муаллифлик ҳуқуқи ёки бошқа ҳуқуқлар билан ҳимояланган материалларни интеллектуал мулк эгасининг рухсатисиз олиш; – Ўзбекистон Республикасининг амалдаги қонунчилигини бузувчи ахборотни сўраш ва олиш.
13.1. Томонлар ушбу Фойдаланувчи шартномаси (Оммавий оферта) бўйича мажбуриятларни қисман ёки тўлиқ бажармаганлик учун жавобгарликдан озод қилинади, агар бу вазият Фойдаланувчи шартномаси (Оммавий оферта) қабул қилинганидан кейин юзага келган форс-мажор ҳолатлари натижасида бўлса. Олдиндан кўра олмайдиган, ёки оқилона чоралар кўриш билан олдини олиб бўлмайдиган фавқулодда ҳодисалар шулар жумласидандир. 13.2. Форс-мажор ҳолатларига қуйидагилар киради: табиий ҳодисалар (зилзилалар, кўчкилар, бўронлар, қурғоқчилик ва суғурта шартномасида назарда тутилмаган бошқа рўйхатга олинмаган табиий офатлар) ёки ижтимоий-иқтисодий ҳолатлар (ҳарбий ҳаракатлар, ҳужумлар, блокадалар, давлат ташкилотлари ва давлатлар ўртасидаги чекловчи ва тақиқловчи чоралар, шунингдек, ҳукумат қарорлари ва бошқалар), электр таъминотидаги узилишлар, Давлат органлари томонидан қарорлар қабул қилиш ва ушбу Фойдаланувчи шартномаси (Оммавий оферта)да назарда тутилган мажбуриятларни бажаришни имконсиз қиладиган бошқа ҳолатлар. 13.3. Маблағларнинг йўқлиги ёки этишмаслиги форс-мажор деб ҳисобланмайди. 13.4. Ҳар қандай форс-мажор ҳолатлари юзага келганда, «Жабр кўрган томон» 3 (уч) календар куни ичида иккинчи Томонни форс-мажор ҳолатлари мавжудлиги тўғрисида ҳукумат ёки бошқа ваколатли органлар томонидан тасдиқлаган ҳолда электрон шаклда хабардор қилади («Форс-мажор ҳолатлари тўғрисида хабарнома»). 13.5. Агар Томонлар форс-мажор ҳолатлари тўғрисида хабар берилган кундан эътиборан 30 (ўттиз) календар кун ичида ўзаро мақбул чора-тадбирлар тўғрисида келишувга эришмаса, Томонларнинг ҳар бири шартнома мажбуриятларини бекор қилиши мумкин. 13.6. Билдиришнома электрон шаклда шахсий кабинетга ёки Томонларнинг электрон почта манзилига юборилиши мумкин.
14.1. Томонлар ушбу Фойдаланувчи шартномаси (Оммавий оферта) бўйича ўз мажбуриятларини бажариш учун зарур маълумотларни алмашадилар. Ушбу Оммавий оферта бўйича мажбуриятларни бажариш билан боғлиқ барча электрон маълумотлар, бир томонидан бошқа томонга тақдим этилади, уларга нисбатан қонунларда фойдаланиш чекланган режими назарда тутилган бўлса ёки маълумотни узатувчи Томон бошқа томонни аниқ хабардор қилган маълумотлар махфий маълумот сифатида кўриб чиқилади ва шундай («Махфий маълумот») белгиланади. Махфий маълумотлар шахсий, бухгалтерия ва молиявий маълумотлар, тижорат, профессионал ва мулкий маълумотларни ташкил этувчи маълумотларни ўз ичига олади, бундан ташқари банк фаолияти, шунингдек қонун ҳужжатларида белгиланган бошқа махфий маълумотлар турлари, тўлов операциялари тўғрисидаги маълумотлар, ахборот, телекоммуникация ва тўлов тизимларини ташкил этиш бўйича бошқарув маълумотлари шулар жумласидан. Бундан ташқари, «Ишончли Ҳамкор» ААТ дастурий мажмуаси орқали Абонент томонидан олинган барча маълумотлар ҳам махфий ҳисобланади ва фойдаланиш учун учинчи шахсларга берилиши мумкин эмас (қонун ҳужжатларида белгиланган ва маълумотларни узатишга рухсат берувчи ҳоллар бундан мустасно). 14.2. Операторнинг олдиндан ёзма розилигисиз ушбу Фойдаланувчи шартномасига (Оммавий оферта) мувофиқ Махфий маълумотни оладиган Абонент: – Махфий маълумотларнинг исталган қисмидан ушбу Фойдаланувчи шартномаси (Оммавий оферта)да кўзда тутилмаган мақсадларда фойдаланиши; – махфий маълумотларни ёки уларнинг бир қисмини учинчи шахсларга ёки ташкилотларга тақдим этиши, Ўзбекистон Республикаси қонун ҳужжатларида назарда тутилган ҳолларда давлат, ҳуқуқни муҳофаза қилиш ёки бошқа органларга бундай маълумотларни тақдим этиш ҳоллари бундан мустасно; – Махфий маълумотлардан ноқонуний фойдаланишга рухсат бериши тақиқланади. 14.3. Абонент Махфий маълумотларни тўлиқ ёки қисман ошкор қилиш учун жавобгар бўлмайдиган шартлар: – олинган пайтда жамоат мулки бўлган; – «Ишончли ҳамкор» АТТ дастурий мажмуаси орқали маълумот олингунга қадар Абонентга маълум бўлган ёки унинг ихтиёрида бўлганлиги. 14.4. Амалдаги қонун ҳужжатларида назарда тутилган ҳолларда ва тартибда ҳуқуқни муҳофаза қилувчи ва бошқа ваколатли давлат органлари ҳамда мансабдор шахсларнинг қонуний талаблари бўйича махфий маълумотларни тақдим этиш махфийликни бузиш ҳисобланмайди. 14.5. Абонент Махфий маълумотларнинг ошкор этилиши, шунингдек, фойдаланувчи шартномаси (Оммавий оферта) шартларини бузган ҳолда рухсатсиз фойдаланиш учун жавобгардир, Операторга этказилган зарарни қоплаш учун 14.3-14.4 бандларда назарда тутилган Махфий маълумотларни ошкор қилиш ҳоллари бундан мустасно.
15.1. Оператор ушбу Фойдаланувчи шартномаси (Оммавий оферта) шартларини бажариш мақсадида ва Ўзбекистон Республикасининг амалдаги қонунчилигида белгиланган талабларга мувофиқ Абонент ёки Абонент вакилининг шахсий маълумотларини қайта ишлайди. 15.2. Абонент ёки Абонент вакили «Ишончли Ҳамкор» ААТ дастурий мажмуасида рўйхатдан ўтиш шаклини тўлдиришда Операторга шахсий маълумотларни қайта ишлашга розилигини беради. 15.3. Абонент ёки Абонентнинг вакили Операторга ўз шахсий маълумотларини ўз хоҳишига кўра ва ўз манфаатларини кўзлаб эркин тақдим этади ҳамда унинг қонуний лаёқатли ва белгиланган тартибда ваколатли эканлигини тасдиқлайди. 15.4. Агар Абонент учинчи шахсларнинг шахсий маълумотларини тақдим этса, у Ўзбекистон Республикасининг амалдаги қонунчилигида белгиланган тартибга мувофиқ шахсий маълумотларни ҳимоя қилиш бўйича тегишли чоралар кўрилишини кафолатлайди.
16.1. Агар «Ишончли Ҳамкор» ААТ дастурий мажмуаси фаолияти билан бевосита боғлиқ саволлар туғилса, Абонент бу ҳақида Операторни электрон почта орқали, «Ишончли Ҳамкор» ААТ дастурий мажмуаси саҳифасидаги фикр-мулоҳаза шакли орқали хабардор қилиш ҳуқуқига эга ёки Операторнинг жойлашган манзилига қараб почта орқали мурожаат қилиши мумкин. 16.2. Операторга мурожаат қилганда, Абонент ёки Абонент вакили муаммони кўриб чиқиш ва қарор қабул қилиш учун зарур бўлган барча маълумотлар ва ҳужжатларни, шу жумладан Абонент/Абонент вакилини аниқлаш учун барча маълумотларни тақдим этиши шарт. 16.3. Оператор Абонент сўровларини келиб тушиш тартибида кўриб чиқади. Кўриб чиқиш муддати аризанинг хусусиятига ва аризаларнинг умумий сонига боғлиқ. 16.4. Оператор «Ишончли Ҳамкор» ААТ дастурий мажмуасига тааллуқли бўлмаган, профессионал таҳлил талаб қиладиган ва/ёки унинг ваколатига кирмайдиган масалалар бўйича маслаҳат бермайди. 16.5. Оператор Абонент сўровларини кўриб чиқмаслик ҳуқуқига эга: – аризани кўриб чиқиш учун зарур бўлган маълумотлар ва ҳужжатларни ўз ичига олмаган; – ёлғон маълумотлар ва/ёки ҳужжатларни ўз ичига олган; – ишончлилик белгиларига эга эмас; – аввал Абонентга жавоб юборилган саволларга нисбатан (такрорий сўровлар); – кескин салбий шаклда ифодаланган ҳақорат, таҳдид ёки мурожаатларни ўз ичига олган; – ушбу Фойдаланувчи шартномаси (Оммавий оферта)да назарда тутилган сўровларни кўриб чиқиш шартлари ва тартибини бузган ҳолда юборилганлар шулар жумласидан.
17.1. Ушбу Фойдаланувчи шартномаси (Оммавий оферта)ни бажариш жараёнида юзага келиши мумкин бўлган низолар ва келишмовчиликлар Томонлар ўртасида музокаралар йўли билан ҳал қилинади. 17.2. Агар низоларни музокаралар йўли билан ҳал қилишнинг иложи бўлмаса, Томонлар қонун ҳужжатларида назарда тутилган келишмовчиликларни судгача ҳал қилиш тартибини амалга оширгандан сўнг уларни Ўзбекистон Республикасининг ваколатли судларига кўриб чиқиш учун тақдим этадилар. 17.3. Абонентнинг судгача бўлган даъвоси рўйхатдан ўтган почта орқали Оператор жойлашган манзилга юборилиши керак. 17.4. Даъвога жавоб бериш муддати у келиб тушган кундан бошлаб 10 иш куни.
18.1. Фойдаланувчи шартномаси (Оммавий оферта) Абонент 3-бўлимда кўрсатилган тартибда қабул қилишни амалга оширгандан сўнг кучга киради ва у тугатилгунга қадар амал қилади. Бунда Операторнинг мазкур Фойдаланувчи шартномаси (Оммавий оферта) бўйича мажбуриятлари Абонент «Ишончли Ҳамкор» ААТ дастурий мажмуасидан фойдаланиш учун берилган ҳуқуқлар учун тўловни амалга оширган пайтдан бошлаб вужудга келади. 18.2. Оператор исталган вақтда ушбу Фойдаланувчи шартномаси (Оммавий оферта) шартларини ўзгартириш, қўшимчалар киритиш ва/ёки www.ihamkor.uz саҳифасида кўрсатиладиган хизматлар нархларини бир томонлама ўзгартириш ҳуқуқига эга. 18.3. Қонунчилик ва меъёрий-ҳуқуқий ҳужжатлардаги ўзгаришлар муносабати билан ушбу Фойдаланувчи шартномасига (Оммавий оферта) киритилган ўзгартиришлар ва/ёки қўшимчалар ушбу ҳужжатлардаги ўзгартиришлар кучга кириши билан бир вақтда кучга киради. 18.4. Оператор бир томонлама (суддан ташқари) шартнома мажбуриятларини бажаришни рад этиш (шартномани бекор қилиш) ва Абонентнинг Шахсий кабинетига киришни ёпиш ва Абонент томонидан илгари олинган барча хизматлар тарихини ўчириш ҳуқуқига эга, агар: – Абонент томонидан ушбу Фойдаланувчи шартномаси (Оммавий оферта) бўйича ўз мажбуриятларини бажармаганлиги ёки лозим даражада бажармаганлиги; – Оператор томонидан «Ишончли Ҳамкор» ААТ дастурий мажмуаси орқали кўрсатилаётган хизматлардан бир йил давомида фойдаланмаслик (ҳаракатсизлик) аниқланса. 18.5. Ушбу Фойдаланувчи шартномаси (Оммавий оферта) бўйича мажбуриятларни бажаришини бир томонлама рад этилган тақдирда шартнома муносабатлари тугатилган ҳисобланади. Оператор томонидан ушбу Фойдаланиш шартномаси (Оммавий оферта) бекор қилинган ва хизматлар кўрсатилиши тўхтатилган пайт «Ишончли ҳамкор» дастурий мажмуаси ААТ даги Абонентнинг Шахсий кабинетидан фойдалана олиш тақиқланиши ҳисобланади. 18.6. Абонент бир томонлама (суддан ташқари) шахсий кабинетдаги ҳисобини ўчириб, тегишли мажбуриятларни бажаришдан бош тортишга ҳақли, бу унинг шартнома (Оммавий оферта)ни бекор қилганини билдиради. Хизматларни кўрсатишни тугатиш ва тўхтатилиш вақти Шаҳсий кабинетда аккаунтни деактивацияси ҳисобланади. 18.7. Оператор ёки Абонент томонидан ушбу Фойдаланувчи шартномаси (Оммавий оферта) бир томонлама бекор қилинган тақдирда, Абонент балансидаги маблағлар Оператор томонидан 45 (қирқ беш) иш куни ичида кўрсатилган хизматлар учун тўлов миқдори ушланиб қолиб, қайтарилади. Шаҳсий кабинет балансидаги маблағни Абонентнинг банк ҳисоб рақамига ёки пластик картасига (жисмоний шахслар учун) ўтказиш йўли билан қайтарилади. Бунда Абонент Операторга тегишли ёзма ариза билан мурожаат қилиши, паспортини (ID-картасини) (жисмоний шахслар учун) тақдим этиши ва ўзининг банк реквизитлари ёки пластик банк картаси (жисмоний шахслар учун) тўғрисидаги маълумотларни тақдим этиши шарт. 18.8. Фойдаланувчи шартномаси Абонент томонидан қабул қилинган пайтдан бошлаб қўйидаги пайтгача амал қилади: – Шахсий кабинетни ўчирганда (рўйхатдан ўтган фойдаланувчилар учун); – Рўйхатдан ўтишни тугатмаган фойдаланувчилар учун браузерда «Ишончли Ҳамкор» ААТ дастурида охирги очиқ саҳифасини ёпганда. 18.9. Фойдаланувчи шартномаси (Оммавий оферта) шартларига рози бўлмаган Абонент «Ишончли Ҳамкор» ААТ дастурий мажмуасидан фойдаланишга ҳақли эмас ва шахсий кабинетидаги ўз аккаунтини ўчириб ташлаши шарт. 18.10. Оператор исталган вақтда «Ишончли Ҳамкор» ААТ дастурий мажмуасида ва/ёки бошқа алоқа воситалари орқали Абонентни хабардор қилиб, Фойдаланувчи шартномаси (Оммавий оферта) шартларига бир томонлама тартибда ўзгартиришлар киритиш ҳуқуқига эга. 18.11. Фойдаланувчи шартномасининг янги таҳрири (Оммавий оферта) «Ишончли Ҳамкор» ААТ дастурий мажмуасида эълон қилинган кундан бошлаб кучга киради. Шунга кўра, Абонентнинг «Ишончли Ҳамкор» ААТ дастурий мажмуасидан Фойдаланувчи шартномаси (Оммавий оферта)га ўзгартириш ва/ёки қўшимчалар киритилгандан сўнг фойдаланишда давом этиши Абонентнинг киритилган ўзгартириш ва/ёки қўшимчаларга розилигини, шунингдек, уларнинг Абонент томонидан қабул қилинишини билдиради. 18.12. Фойдаланувчи шартномаси (Оммавий оферта)га ўзгартиришлар киритилгандан сўнг, Абонент ушбу Фойдаланувчи шартномаси (Оммавий оферта) 18.6-бандига мувофиқ, уни бир томонлама бекор қилиш ҳуқуқига эга.
19.1. Томонлар «Ишончли Ҳамкор» ААТ дастурий мажмуасида Абонентнинг шахсий кабинетидан ва Алоқа воситаларидан фойдаланган ҳолда ахборот ва ҳужжатлар алмашиш, шунингдек уларни имзолаш зарурлигини тан оладилар. 19.2. Абонентнинг шахсий кабинетидан фойдаланган ҳолда, шунингдек, «Ишончли Ҳамкор» ААТ дастурий мажмуасидаги Алоқа воситалари орқали томонлар томонидан бир-бирига юборилган барча ҳужжатлар юридик кучга эга бўлади, шу жумладан судда иш юритилганда. 19.3. Томонлар Алоқа воситаларидан фойдаланган ҳолда сўровлар, билдиришномалар, жавоблар ва бошқаларни жўнатиш каби маълумотларнинг тегишли алмашинувини тан оладилар. 19.4. «Ишончли Ҳамкор» ААТ дастурий мажмуасида эълон қилинган хабарлар эълон қилинган пайтдан эътиборан Абонентга етказилган ҳисобланади. 19.5. Абонент Оператор қуйидаги ҳуқуқларга эга эканлигига рози: – «Ишончли Ҳамкор» ААТ дастурий мажмуаси саҳифаларида реклама маълумотларини жойлаштириш. Реклама маълумотларининг ҳажми ва уни жойлаштириш хусусияти Оператор томонидан белгиланади; – Абонентни жорий тижорат таклифлари, «Ишончли Ҳамкор» ААТ дастурий мажмуаси функсионал ўзгаришлари ва Абонентга тегишли бошқа ҳодисалар ҳақида хабардор қилиш.
20.1. Абонент ушбу Фойдаланувчи шартномаси (Оммавий оферта) бўйича ҳуқуқларни Операторнинг розилигисиз учинчи шахсга беришга ҳақли эмас. 20.2. Ушбу Фойдаланувчи шартномаси (Оммавий оферта)ни тузиш орқали Абонент унинг шартлари ва талаблари билан танишганлигини билдиради ва улар билан тўлиқ рози эканлигини тасдиқлайди. 20.3. Ушбу Фойдаланувчи шартномаси (Оммавий оферта)да тартибга солинмаган барча масалалар бўйича Томонлар Ўзбекистон Республикасининг амалдаги қонунчилигига асосланади. 20.4. Агар Фойдаланувчи шартномаси (Оммавий оферта) шартларидан бирортаси ҳақиқий эмас ёки амалга ошириб бўлмайдиган деб топилса ёки Ўзбекистон Республикасининг амалдаги қонунчилигига мувофиқ кучга кирмаса, Фойдаланувчи шартномасининг (Оммавий оферта) бундай банди қайта кўриб чиқилиб, энг мақбул варианти қабул қилинади ва алмаштирилади. Бироқ, ушбу ўзгартиришлар Фойдаланувчи шартномаси (Оммавий оферта)нинг қолган бандларини ўзгармайди ва кучини йўқотмайди. 20.5. Ҳар қандай хизматдан/унинг индивидуал функцияларидан фойдаланишни бошлаш ёки рўйхатдан ўтиши билан Абонент ушбу Фойдаланиш шартномаси (Оммавий оферта) шартларини ҳеч қандай изоҳ ва истисноларсиз тўлиқ қабул қилган ҳисобланади. Агар Абонент ушбу Фойдаланувчи шартномаси (Оммавий оферта)нинг бирорта бандига рози бўлмаса, ёки Оператор томонидан киритилган ўзгаришлар билан рози бўлмаса, у ўзининг Шахсий кабинетини ўчириб, «Ишончли Ҳамкор» ААТ хизматларидан фойдаланишни тўхтатиши шарт. 20.6. Ушбу Фойдаланувчи шартномаси (Оммавий оферта) Абонент ва Оператор ўртасидаги ўзаро муносабатларнинг асосий шартларини белгилайди. Келгусида томонлар алоҳида шартнома ва келишувлар асосида ҳамкорлик кўламини кенгайтириш ҳуқуқига эга. 20.7. Ушбу Фойдаланувчи шартномаси (Оммавий оферта) Ўзбекистон Республикасининг бутун ҳудудида амал қилади. 20.8. Фойдаланувчи шартномаси (Оммавий оферта)нинг жорий версияси www.ihamkor.uz манзилига жойлаштирилган. 20.9. Ушбу Фойдаланувчи шартномаси (Оммавий оферта)нинг муқадимасида (бошида) кўрсатилган сана Фойдаланувчи шартномаси (Оммавий оферта) эълон қилинган сана бўлиб, унинг маълум бир Абонент билан тузилган санаси эканлигини билдирмайди. 20.10. Ушбу фойдаланувчи шартномаси (Оммавий оферта) рус тилида ишлаб чиқилган ва рус тилида тузилади. 20.11. Оператор ва Абонент ўртасидаги барча расмий ёзишмалар электрон почта орқали амалга оширилади. Абонент тўлиқ жавобгарликни ўз зиммасига олади ва барча оқибатларни, шу жумладан, электрон почтани нотўғри тақдим этиш ёки Оператор билан боғланиш учун электрон почтадан фойдаланмаслик билан боғлиқ салбий оқибатларини ўз зиммасига олади.
«DEFEN FINANCIAL» МЧЖ. Рўйхатдан ўтган юридик манзили: Тошкент вилояти, Ўрта Чирчиқ тумани, Қорасув КФЙ, Табассум кўчаси 119 уй. Фаолиятни амалга ошириш манзили: Тошкент шахри Олмазор тумани Қамарнисо кўчаси 22Д уй. Ҳ/р: 2020 8000 6054 8905 3002. Банк: АТ «Алоқабанк» Бош офиси. МФО: 00401. СТИР: 309 264 109. ИФУТ: 63110. ҚҚС тўловчи коди: 327120185591. Телефон: +998 (95) 140-12-21. Электрон почта манзили: [email protected]